Vidsyn

Russlandia-utstilling frå Det flerspråklige bibliotek

2011-09-26T06:40:00.000-07:00

Det flerspråklige bibliotek gjev no tilbod om at biblioteka kan låne utstillinga Russlandia, som består av bøker på norsk, russisk og engelsk, i tillegg til gjenstander og plakater. I utstillingspakka ligg også ved flotte illustrerte bøker om russisk mat, samt godteri og russiske kjeks.

For å bestille utstillingen, ta kontakt med Gulnara Bakke på tlf. 23 43 29 60 / gulnara.bakke@kul.oslo.kommune.no

Les meir om Russlandia-utstillinga

Referat frå møtet i Fleirkulturelt biblioteknettverk

2011-06-24T05:47:00.000-07:00

7. juni 2011 var det møte i Fleirkulturelt biblioteknettverk på Deichmanske bibliotek i Oslo. Hovedtema for møtet var "Innvandreres digitale kompetanse". Hordaland var representert med Anne Berit Helland frå Bergen offentlege bibliotek, som har skrive referat frå møtet. Les referat frå møtet i Fleirkulturelt bibl.nettverk 7. juni 2011

Møte i fleirkulturelt biblioteknettverk 7. juni

2011-05-05T06:30:00.000-07:00

Det blir møte for medlemmer i Flerkulturelt biblioteknettverk tirsdag 7. juni 2011 på Deichmanske hovedbibliotek.

Hovudtema for møtet vil vere den digitale kompetansen hjå innvandrarar. Anna Hallberg og Viveka Hallberg frå Sverige vil dele av sine erfaringar med dataopplæring for minoritetsbefolkninga. I tillegg vil VOX fortelje om den høgaktuelle rapporten ”Innvandrere på nett: en analyse av innvandreres digitale kompetanse”.

Hordaland blir representert på møtet ved Anne Berit Helland som arbeider med fleirspråklige bibliotektenester ved Bergen offentlige bibliotek.

Tospråkleg snakkande ordbok

2011-02-14T00:46:00.000-08:00

"Min tospråklige snakkende ordbok" er ei ny og fargerik bildeordbok som ligge føre med parallelltekst på elleve ulike språk, alle med norsk som det eine språket. Boka finnes på arabisk, kurdisk (sorani), persisk, polsk, russisk, somali, tamil, thai, tyrkisk, urdu og vietnamesisk.

Boka inneheldt 650 vanlege ord og omgrep inndelte etter tema som mellom anna familie, klær, mat, dyr og årstider. Ordboka kan også brukast saman med ein snakkande penn. Den snakkande pennen les opp teksten på begge språk som er representert i ordboka.
Les meir om og evt bestill tospråklege barnebøker frå DFB.

IMDI-magasin om familieinnvandrande kvinner

2010-11-03T05:21:00.000-07:00

IMDI (Integrerings- og mangfoldsdirektoratet) har laga eit magasin om familieinnvandrande kvinner. Magasinet skal gjere kommunale tenesteytarar bevisste på kva denne gruppa treng av informasjon, kva utfordringar dei møter, og kva kvinnene sjølve meiner er viktig for å få eit godt liv i Noreg.
Meir informasjon om magasinet
IMDI-magasinet 2010 "Endelig sammen" (pdf)

Stor nasjonal konferanse i Bergen om integrering

2010-09-21T03:17:00.000-07:00

For å heve kompetansen til tilsette i førstelinetenesta, skipar Integrerings- og mangfaldsdirektoratet (IMDI) til ein stor nasjonalt konferanse i Bergen 18. og 19. november om integrering. Hordaland fylkeskommune blir breidt representert på konferansen. Konferansen har fått tittelen "I samme båt. Tilrettelegging for integrering.
Meir informasjon, program og påmelding finn du her

Arabisk-norsk litteraturkveld ved Bergen Offentlige Bibliotek

2010-09-20T01:54:00.000-07:00

Bergen offentlige bibliotek ønskjer velkomen til arabisk-norsk litteraturkveld tirsdag 28. september kl 19:00. Då kjem Manal Al-Sheikh og Safaa Alwan som begge er fribyforfattarar, henholdsvis i Stavanger og Skien. På programmet står diktopplesing, samtale og fotoutstilling (ved Safaa Alwan). Medverkande er også fribyforfattarane i Bergen, Ayaz Khonsyawashan og Hossein Heidary.

Gratis inngang, lett bevertning.
Les meir om arrangementet.

Illustrasjon Håvard Legreid

Norskkurs på internett

2010-09-10T04:52:00.000-07:00

Det flerspråklige bibliotek (DFB) har inngått avtalar med Fagbokforlaget og Cyberbook om utlån av nettbaserte norskkurs. Kursa er mykje nytta i vaksenopplæringa rundt i landet.

Avtalane gjev også folkebiblioteka høve til å kjøpe eigne utlånslisensar til reduserte prisar. På grunn av det store behovet for norskkurs, oppmodar DFB biblioteka om å kjøpe eigne lisensar, Prisen for ein lisens er kr 450. Ein lises varar i eitt år, og kan berre nyttast av ein person av gongen.

Les meir om tilbodet på DFB sin nettstad

Det mångspråkiga Biblioteket

2010-08-27T00:23:00.000-07:00

I Västra Götalandsregionen i Sverige pågår det eit EU-prosjekt finansiert av Det europeiske sosialfond (ESF). Prosjektet ber namnet "Det mångspråkiga biblioteket - utveckling av interkulturella mötesplatser" og blir leia frå Väst Regionbiblioteket. Prosjektet er eit kompetanseutviklingsprosjekt for bibliotektilsette. Besøk gjerne bloggen til prosjektet for meir informasjon.

Ny i Norge - som bok eller på nett

2010-08-06T06:54:00.000-07:00

Boka "Ny i Norge" er utarbeidd for arbeidsinnvandrarar og deira familiemedlemmer. Boka tek sikte på å gje viktig informasjon om det norske samfunn med opplysningar frå offentlege etatar og rettar og pliktar, praktiske råd og tips.

Boka er utgitt av Integrerings- og mangfoldsdirektoratet (IMDI) og er tilgjengeleg på polsk, engelsk og norsk.

Bestill bok kostnadsfritt frå IMDI på bestilling@imdi.no, eller les boka på nett på http://www.nyinorge.no/

Leseåret 2010 - tiltak retta mot minoritetsspråklege i Hordaland

2010-06-24T04:34:00.000-07:00

To bibliotek i Hordaland har fått tilskot frå ABM-utvikling til kvar sitt prosjekt i Leseåret 2010, begge retta mot minoritetsspråklege.
Kvinnherad bibliotek vil motivere til lesing blant minoritetsspråklege elevar i innføringsklasse i ungdomsskule/ VGS. Prosjektet har tittelen "Nye i Kvinnherad les!" og inneber forfattarbesøk med Amal Aden i innføringsklassen, samt ope arrangement med forfattaren i biblioteket.
Sund folkebibliotek har kalla sitt prosjekt "Innvandrerkvinner. Les for barnet ditt", og har fokus på å bevisstgjere og stimulere minoritetsspråklege foreldre til å lese høgt for borna sine heime. Tiltak i prosjektet er mellom anna lesesirkel, bokpresentasjon og forfattarbesøk.

Morsmålsdagen 21. februar 2009

2010-02-22T06:17:00.000-08:00

Søndag 21. februar var det den internasjonale morsmålsdagen - innstifta av UNESCO i 1999.
Informasjon om morsmålsdagen.

Det kan vere verdt å kikke på temasida http://www.morsmal.no/ som er under utvikling som eit norsk-svensk samarbeidsprosjekt, primært for morsmålslærarar, men også for foreldre, elevar og andre interesserte. Nettsida www.morsmal.no er eit resultat av Stortingsmelding 23 (2007-2008) Språk bygger broer.

Felleskjøpet 2010 - kjøp bøker på minoritetsspråk

2009-12-10T03:22:00.000-08:00

Felleskjøpet er eit årleg tilbod frå Det flerspråklige bibliotek (DFB) til folke- og skulebibliotek. Tilbodet går ut på innkjøp av bøker på minoritetsspråk, og gjev biblioteka høve til å byggje opp eigne samlingar på dei språka som er mest etterspurt. Nytt av året er bøker på det afganske språket dari.

DFB tilbyr biblioteka eit utval aktuelle titlar til konkurransedyktig pris. Utvalet blir gjort av bibliotekarar ved DFB i samarbeid med deira språkkonsulentar. Bøkene blir tilbudt som ferdige pakkar, og blir levert fraktfritt og ferdig katalogisert. Meir informasjon og bestillingsskjema

Utstilling med Den lille prinsen på mange språk

2009-10-22T06:39:00.000-07:00

Den lille prinsen av Antoine de Saint-Exupéry er ei av verdas mest selde bøker. Sjølv om boka tilsynelatande er for born, tar den opp mange tema som er minst like interessante for vaksne.

Det flerspråklige bibliotek tilbyr biblioteka ei utstilling med Den lille prinsen på mange språk. I tillegg til bøker følgjer det med flotte gjenstander og plakatar med motiv frå boka. Det er to utstillingspakkar på ca 20 bøker kvar, og dei er klare for utlån i midten av november. Du kan reservere utstillinga allereie no. Utsending vil vere etter "førstemann til mølla"-prinsippet. Utlånstida er fire veker. For meir informasjon eller bestilling, kontakt Drifa Gudmundsdottir på tlf. 23 43 28 58 eller e-post drifa.gudmundsdottir@kul.oslo.kommune.no

Nyttige nettstader

2009-10-20T00:28:00.000-07:00

Det flerspråklege bibliotek lanserte ny nettstad 9. oktober. Her finn du nyttige bibliotektenester i ny drakt: http://dfb.deichman.no/

Du finn nettstaden for NBF si spesialgruppe for fleirkulturelle bibliotektenester - FlerKult her: http://www.flerkult.no/ Flerkult har også ein Ressursbank på sine nettsider, der du kan finne tips og råd i samband med fleirkulturelle bibliotektenester.

Mange kom for å møte kurdiske og norske forfattarar

2009-10-05T06:02:00.001-07:00

Ca. 75 menneske med kurdisk, iransk og norsk bakgrunn fylte musikkavdelingen i Bergen Off. Bibliotek kvelden 9.9.09 og fekk møte kurdiske og norske forfattarar.

Sjå bilete frå arrangementet.

Dei to fribyforfattarane i Bergen, Ayaz Khonsyawashan og Hossein Heidary, er kurdarar frå Iran. Fribyorganisasjonen Icorn har igangsatt eit stort EU-støtta prosjekt som har som mål å "open up a free space in Europe for writers from all over the world to connect and release their stories". Eit av underprosjekta i Sverige og Norge er "Mem u Zin - Kurdiske stemmer i Skandinavia". Fleire av forfattarane deltok også i Stavanger og Oslo på liknande arrangement 10. og 11.9.

Forfattaren og forskaren Nazand Begikhani kom heilt frå Frankrike. Ho forskar på vold mot kvinner, har doktorgard i litteratur fra Sorbonne og er tilsett på University of Bristol.

Nettverksmøte og lansering av DFB si nye heimeside 9. oktober

2009-10-05T05:43:00.000-07:00

Det blir nettverksmøte i Det flerkulturelle biblioteknettverket fredag 9. oktober i ABM-utvikling sine lokaler i Oslo kl 12:00 - 15:00. Tema denne gongen er mellom anna familielæring. Same dag lanserar Det fleirkulturelle bibliotek si nye heimeside i dei same lokala frå kl 10:00 - 12:00. Sjå heile invitasjonen

Arabiautstilling i Kinsarvik

2009-09-23T23:11:00.000-07:00

Kinsarvik bibliotek har no Arabia- utstilling som me har lånt frå det fleirspråklege bibliotek.Utstillinga inneheld eit utval arabiske bøker på norsk, engelsk og arabisk, plkatar med informasjon om arabisk språk og arabarar og ikkje minst tre flasker med arabisk parfyme og to posar med godteri. Det siste får mange til å gå oppsøkja utstillinga og bli interesserte.

Kunstutstilling i Ullensvang

2009-09-23T23:03:00.001-07:00

23.09. opna biblioteket ei utstilling med bilete av Mustafa Al Bayati. Mustafa kom til Noreg for omlag 10 år sidanog bur no i Kinsarvik. Onkelen hans var den kjende irakiske poeten Abdul Wahab Al Bayati (1926–1999) som levde mykje av livet i eksil. Bileta er inspirerte av hans dikt.

Kurdiske og norske forfattarar på Bergen Off. Bibliotek

2009-09-02T05:51:00.000-07:00

Dei norske forfattarane Frode Grytten, Pedro Carmona-Alvarez og Odveig Klyve møter dei to fribyforfattarane i Bergen Ayaz Khonsyawashan og Hossein Heidary til ein litterær heilaften! I tillegg har vi invitert dei velrenommerte kurdiske poetane Nazand Begikhani (Frankrike/England) og Baroj Akrayi (Stockholm). Sjå plakat

Tid og stad: 9. september, kl. 19.30, Hovedbiblioteket, Strømgaten 6.
Gratis inngang, ope for alle! Velkomen til ein spanande litteraturkveld på biblioteket!

Deichman opnar verda for deg!

2009-08-07T00:58:00.000-07:00

Det flerspråklige bibliotek har som hovudmål å gjennom si verksemd setje biblioteka i stand til å delta i arbeidet med å utvikle Norge til eit positivt og livskraftig fleirkulturelt samfunn. Les Årsmelding 2008 for DFB (pdf)

Hylleskilt på to språk

2009-07-06T08:39:00.000-07:00

Det flerspråklige bibliotek har laga tospråklige hylleskilt på mange språk. Skilta kan fritt brukast av alle bibliotek.

Det er skilt på følgjande språk: Albansk, amharisk, arabisk, bosnisk, serbisk, kroatisk, bulgarsk, burmesisk, dari, esperanto, estisk, finsk, fransk, færøysk, gresk, grønlandsk, hebraisk, hindi, islandsk, italiensk, kinesisk, kurdisk, latvisk, litauisk, makedonsk, nederlandsk, pashto, persisk, polsk, portugisisk, rumensk, russisk, slovakisk, somali, swahili, spansk, tagalog, tamil, thai, tigrinja, tjekkisk, tyrkisk, tysk, ungarsk, urdu og vietnamesisk.

Over ser du det arabiske hylleskiltet.
Sjå alle skilta (pdf)

Velkomen til biblioteket - roll-up

2009-06-24T06:21:00.000-07:00

Fylkesbiblioteket har fått laga ein roll-up (sjå eksempel på roll-up) med same utforming og innhald som Velkomen til biblioteket-plakaten. Roll-upen er til utlån for folkebiblioteka i Hordaland, til dømes til bruk ved arrangement eller for å profilere biblioteket sine fleirkulturelle tenester. Dersom ditt bibliotek ønskjer å låne denne, ta kontakt med elin.golten@post.hfk.no

Velkomen til biblioteket - på 26 ulike språk!

2009-06-10T00:50:00.000-07:00

Gjennom prosjektet er det blitt utforma plakat og bokmerke med "Velkommen til biblioteket" - og velkommen på 26 ulike språk. Filene til plakat (pdf) og bokmerke (pdf) kan lastes ned i format klar til trykking. Folkebiblioteka i Hordaland vil få dette materialet tilsendt per post. Alle andre bibliotek er velkomne til å laste ned filene, og ta i bruk plakat og bokmerke.

Bibliografi

2009-06-09T01:41:00.000-07:00

I prosjektet har vi laga ein bibliografi (pdf) som skal vere eit utgangspunkt for korleis biblioteka kan nytte nytt materiale og eksisterande samlingar til å setje saman utstillingar som har som mål å:
1. Gje informasjon om Noreg, og auke forståing for norsk kultur og samfunn.
2. Gje informasjon om andre (spesifikke) land, og auke forståing for kultur og samfunn i dette landet.

Slik kan biblioteket sine samlingar aktivt nyttast for å auke sosial og kulturell forståing.

Kontakt med mottaksapparatet i kommunen

2009-06-07T01:50:00.000-07:00

Fjell kommune har vore forsøkskommune i prosjektet, og har oppretta kontakt med mottaksapparatet flyktningar og innvandrarar i sin kommune (introduksjonsavdelinga). Som tips og inspirasjon til andre kommunar som skal setje i gang med eit slikt samarbeid, finn de her eksempler på Presentasjon av biblioteket i ein introduksjonsklasse (pdf) og Opplegg for bibliotekbesøk for introduksjonsklasse (pdf).

Bibliotekbrosjyrer på mange språk

2009-06-05T00:48:00.000-07:00

Vi har nytta logoen for Vidsyn saman med informasjonstekst om biblioteka sine tenester - teksten er utarbeidd av Det flerspråklig bibliotek. Dette har resultert i ferdig utforma bibliotekbrosjyrer på mange språk albansk, arabisk, bosnisk, finsk, fransk, russisk, somali, spansk, tyrkisk, vietnamesisk og norsk (alle i pdf).

Innlegg frå erfaringskonferansen

2009-05-22T04:18:00.000-07:00

Her er nokre av innlegga som vart presenterte under erfaringskonferansen 13. februar:

Torgeir Skorgen: Eksilerfaring, integrering og flerikulturelt biblioteksarbeid (pdf)
Amir Tanovic: Landflyktighet, historisk utvikling på nasjonalt plan og sentrale begrep (pdf)
Elin Golten: Erfaringar frå Prosjekt Vidsyn (pdf)

Erfaringskonferansen overstått!

2009-02-17T23:22:00.000-08:00

Glimt frå utstillinga under Vidsynkonferansen.

Dyktige innleiarar gjorde dagen innhaldsrik og nyttig.

Torgeir Skorgen frå UiB heldt foredraget "Noen må åpne opp og invitere inn", som handla om integreringspolitikk i teori og praksis.

Amir Tanovic, rådgjevar ved introduksjonsavdelinga i Asker kommune, snakka om landflyktighet; historisk utvikling på nasjonalt plan og klargjorde sentrale begrep.

Ragnhild Aasvang frå IMDI Vest snakka om innvandrarbefolkninga i Hordaland, og Aud Jorunn Aano, leiar av Internasjonalt bibliotek i Stavanger, snakka om erfaringar, aktivitetar og arbeidsmetodar med fleirkulturelle tjenester.

Frå utstillinga "Den magiske kappen" som for tida står

utstilt i Fjell Folkeboksamling. Anbefalast!

Bibliografien prosjektet har satt saman:

(denne kan sendast på e-post om ønskjeleg. Etter kvart vert han lagt ut her på bloggen)

Meir frå utstillinga:

Eventyr:

Velkommen til konferanse!

2009-02-04T05:16:00.000-08:00

Erfaringskonferansen fleirkulturelle bibliotektenester

Velkomen til erfaringskonferanse for Prosjekt vidsyn!

På konferansen vil resultat frå prosjektet bli presentert, og det er invitert innleiarar med ulik erfaring frå bibliotek og integreringsarbeid.

Vi håper at konferansen vil inspirere til vidare arbeid lang utover mangfaldsåret!

Dato: 13. februar 2009

Stad: Møterom Vestland, fylkesbygget Bergen

Tid: 10.00 – 15.00

Pris kr 300,-

Lån flotte eventyrposer til biblioteket!

2008-12-15T04:42:00.000-08:00

Det fleirspråklege bibliotek har utvikla to eventyrposer på ulike språk. Dei flotte posene inneheldt eventyrbøker på fleire språk, lydbok og dukker. Dei har valgt ut to kjende eventyr som er mykje brukt i barnehagar og på småskuletrinnet; Gullhår og dei tre bjørnene og Dei tre bukkene Bruse.

Posene er tenkt utlånt til bibliotek og barnehagar. Fjell Folkeboksamling har lånt desse posane, og kan anbefale andre bibliotek til å gjere det same!

Klikk her for å LÅNE

Gullhår og dei tre bjørnene

2008-12-13T02:49:00.000-08:00

Generelt om prosjektet

Prosjekt Vidsyn er Hordaland fylkesbibliotek si fleirkulturelle satsing i Mangfaldsåret 2008, og gjennom deltaking i prosjektet vil folkebiblioteka vere med på å oppfylle målet med at kulturlivet i Noreg i større grad skal gjenspegle kulturelt mangfald.Det er ei grunnleggande utvikling at samfunnet vi lever i i aukande grad blir eit multikulturelt samfunn, noko som også påverkar biblioteka sin arbeidskvardag. Prosjekt Vidsyn skal vere ein ressurs og eit arbeidsverkty i bibliotekkvardagen, og såleis ei hjelp til biblioteka kring eit tema som er aktuelt for alle.
Prosjektet Vidsyn har fått tilskot frå ABM-utvikling i 2008. Prosjektet er kome i stand som eit samarbeid mellom fylkesbiblioteket, Lindås folkeboksamling og Fjell folkeboksamling, og er i tråd med strategi 3.3 i ”Biblioteka i Hordaland, Fylkesdelplan 2007 – 2010”.